महाराष्ट्राच्या भूमीने या दोन सुपुत्रांना जन्म दिला. या दोन्ही महाननेत्यांचा थरार अन् उदंड लोकप्रियता मी अनुभवलेली आहे. मी देवाला धन्यवाद देतो, की पत्रकारिता करताना या दोन्ही नेत्यांना मला जवळून पाहाता आले, त्यांना अनुभवता आले.
पोस्ट्स
बरे झाले विरोधकांचे तोंड फुटले! ... शेतकर्‍यांचे आर्थिक आरिष्ट्य दूर करणारे रिटेलमधील एफडीआय ही काळाची गरज होती. या एफडीआयला विरोधकांनी विरोध करुन अपशकुन घडविला होता. या मुद्द्यावर विरोधकांनी दाखल केलेला प्रस्ताव संसदेच्या दोन्ही सभागृहात पराभूत झाला, हे फार चांगले झाले. रिटेलमधील एफडीआयवर केंद्र सरकारने संसदेचे शिक्कामोर्तब घेऊन विरोधकांचे चांगलेच तोंड फोडले आहे. ..... किरकोळ विक्रीच्या क्षेत्रात (रिटेल) थेट विदेशी गुंतवणुकीला (एफडीआय) परवानगी देण्याच्या केंद्र सरकारच्या निर्णयावर अखेर संसदेने शिक्कामोर्तब केले. एफडीआयला विरोध करणारे भारतीय जनता पक्ष. डावे आणि इतर विरोधकांचे या शिक्कामोर्तबनंतर चांगलेच तोंड फुटले असेल. एफडीआय ही काळाची गरज होती. शेतकरीहिताची असलेली ही आर्थिक सुधारणा लागू करण्यासाठी झालेला विरोध राजकीय होता आणि तो नतद्रष्टाही होता, हे आता सर्वांनी लक्षात घ्यायला हवे. एफडीआयच्या मुद्द्यावर संयुक्त पुरोगामी आघाडी (युपीए) सरकारने जनतेत पुरेशी जनजागृती न केल्याने जनतेच्या मनात अनेक शंका-कुशंका आहेत. नेमके याच शंकांचा गैरफायदा राजकीय विरोधक घेत असल्याचे प्रामुख्यान...
हे तर देशोन्नतीकारांवर सूड उगविण्याचे षड्‌यंत्र! वृत्तपत्रांचा मनुवादी चेहरा बहुजन समाजाने फार जवळून पाहिला आहे. परंतु, वृत्तपत्राला बहुजनवादी चेहरा देण्याचे काम देशोन्नतीकार प्रकाश पोहरे यांनी केले. किंमतयुद्धाच्या काळातही साडेतीन ते चार रुपयांत विकले जाणारे देशोन्नती हे दैनिक, वृत्तपत्र म्हणून नव्हे तर शेतकरी लढ्यातील अग्रदूत आणि आणि बहुजनांचे मुखपत्र म्हणून आजही अकोला आणि नागपुरातून प्रकाशित होते. या दैनिकाची नियोजनबद्ध संपादकीय भूमिका ज्या लढवय्या शेतकरी नेत्याने आखली आज त्या नेत्यावर शेटजी-भटजीची मीडिया वैयक्तिक सूड उगवत असल्याचे अत्यंत संतापजनक तितकेच दुर्देवी चित्र नागपुरात पहावयास मिळत आहे. एखादा मराठा ध्येयवादी व्यक्ती कोट्यवधी रुपये गुंतवून प्रकाशन सुरु करतो. तेथे काही मूठभर कर्मचारी संघटना स्थापन करतात. अवास्तव वेतनवाढीचा हट्ट धरतात. हा हट्ट भडकलेल्या सर्वचस्तरातील महागाईच्या काळात या ध्येयवादी मालकाला आर्थिक चणचणीमुळे पुरवणे शक्य होत नाही. म्हणून, जेथे लेकराबाळाच्या अन्नाची तरतूद होते, त्या रोजीरोटीतच माती कालवण्याचे काम काही मूठभर कर्मचारी करतात. अख्खे युनीटच वेठीस ध...
रॉबर्ट वढेरा कोण रं भाऊ ! पाकिस्तानातून आलेल्या राजेंद्र व मोरिना वढेरा या दाम्पत्याचा रॉबर्ट हा चिरंजीव. तांबे व लाकडाच्या कलाकुसरीच्या वस्तू विकून पोट भरणार्‍या दाम्पत्याचा हा रॉबर्ट, स्व. इंदिरा गांधी यांची नात प्रियंका गांधी यांच्याशी सूत जुळवतो व त्यांच्याशी विवाह करतो. केवळ या एकाच कामगिरीच्या जोरावर अवध्या तीनच वर्षात तो ५० लाख रुपये असलेली संपत्ती ५०० कोटी रुपयांची करतो! याला चमत्कार म्हणावे का? परंतु, हा चमत्कार कसा झाला याचा पर्दाफाश अरविंद केजरीवाल यांनी केलाच आहे. भ्रष्टाचाराचा नवा चेहरा म्हणून या रॉबर्टकडे पाहावे लागेल. हा रॉबर्ट कोण रं भाऊ? असा प्रश्‍न जर पडत असेल तर त्याचे उत्तर हेच, की हा रॉबर्ट म्हणजे मोठा भ्रष्टाचारी माणूस, त्याचे पुरावे केजरीवाल अन् ऍड. भूषण यांनी दिलेच आहे. तसेच, तो सोनिया गांधी यांचा जावई असल्याने कॉंग्रेसवाले आपल्या सर्व देशवासीयांचादेखील तो जावई असल्याचे माथी मारू पाहात आहेत ! ....... अवघ्या तीन-चार वर्षात ५० लाखाचे ५०० कोटी करणारा हा रॉबर्ट वढेरा कोण रं भाऊ? असा बुचकाळ्यात पाडणारा प्रश्‍न आमच्या खेडूतांना पडला असेल तर त्याचे उत्तर हे आ...
आक्रमक ‘दादा’, संयमित ‘साहेब’! ... राजकारणात पाठीत खंजीर खुपसण्याचा अनुभव शरद पवारांइतका दांडगा कुणाचाही नाही. तरीदेखील मुंबईत पुतण्या आक्रमक होऊन राजीनामे फेकत असताना पवारांनी संयमाचे प्रदर्शन का घडवले व कोसळणारे राज्य सरकार का वाचविले, याचे कोडेच आहे. मुख्यमंत्री पृथ्वीराज चव्हाणांनी राष्ट्रवादीला संपविण्याचा विडाच दिल्ली दरबारी उचलला होता. त्यादृष्टीने सिंचन घोटाळा हा त्यांच्यासाठी हुकमी एक्का ठरला असताना, शरद पवारांच्या राजकीय डावपेचांनी चव्हाणांची पुरती बोबडी वळली आहे. आक्रमक दादा, आणि संयमित साहेब या राज्यात दिसणार्‍या राजकीय चित्रामागचे राजकारण फार दूरगामी परिणाम करणारे वाटते. ... राष्ट्रवादी कॉंग्रेसची मुलुखमैदानी तोफ म्हणून ज्यांना ओळखले जाते ते अजितदादा पवार यांनी सिंचन घोटाळ्यांत स्वतःवर होत असलेल्या आरोपांमुळे उपमुख्यमंत्रिपदासह मंत्रिपदाचे राजीनामे फेकले. सध्या अजित पवार पायाला भिंगरी लागल्यागत राज्याच्या दौर्‍यावर असून, पक्ष संघटना बांधणीसाठी वेळ देत आहेत. तसेच, आरोपांना फेटाळून लावताना आरोप करणार्‍यांना सडेतोड प्रत्युत्तरदेखील देत आहेत. अजित पवार यांनी ज्या आक्रमकपणे ...
२१ व्या शतकातील गुजरातचे नीरो! रोम जळत असताना रोमन सम्राट नीरो हा व्हायोलिन वाजवित होता, असे इतिहास सांगतो. धार्मिक दंगलीचे दाहक चटके सहन केलेला गुजरात आज कुपोषणाने कलंकित झाला आहे. धार्मिकद्वेषाने आजही गुजरात जळत असताना, तेथील नीरो विकासाच्या व्हायोलिनचे तुणतुणे वाजविण्यात मश्गुल आहेत. तरुण महिलांत रक्ताचे प्रमाण कमी असून, त्या कुपोषित असताना मोदीमहोदयांना त्यात रेखीव शरीराचे रहस्य वाटते. रोमचा सम्राट होऊन इतिहास झाला. परंतु, तो आजही गुजरातमध्ये जीवंत असावा, असा संशय येतो आहे. ..... विकसनशील राष्ट्र म्हणून ज्या कुपोषण आणि भूकमारीमुळे भारताच्या प्रतिमेला धब्बा लागला. ज्या कुपोषणाला भारताचे पंतप्रधान राष्ट्रीय कलंक म्हणून घोषित करतात. त्याच देशातील सर्वात विकसित राज्य असा दावा करणारे गुजरातचे मुख्यमंत्री नरेंद्र मोदी, कुपोषणाला फॅशन व रेखीव सौदर्याचे प्रतिक व तरुणींच्या सौंदर्यविषयक जागृततेचे प्रमाणपत्र बहाल करत आहेत. गुजरात विधानसभेच्या निवडणुका तोंडावर आल्या आहेत. या निवडणुकांवर डोळा ठेवून नरेंद्र मोदी यांनी सरकारने केलेल्या तथाकथित विकासाचा डिंगोरा पिटविण्यास सुरुवात केली आहे...
पंतप्रधानांनी राजीनामा देणेच श्रेयस्कर! पंतप्रधान डॉ. मनमोहन सिंग यांची प्रतिमा डागाळण्याचे काम सध्या अमेरिकन व ब्रिटनची प्रसारमाध्यमे करत आहेत. डॉ. सिंग यांच्या सत्ताकाळात घोटाळ्यांचा उच्चांक झाला, हे खरे असले तरी त्यांच्या विद्वत्तेवर व प्रामाणिकपणावर संशय घेणे योग्य ठरणार नाही. खरे तर राजकारण हा कधीच डॉ. सिंग यांचा प्रांत नव्हता. ते कुशल नोकरशहा असून, अर्थतज्ज्ञ आहेत. कलंकित होत जाणारी प्रतिमा पाहाता, त्यांनी राजीनामा देऊन कधीही या राजकीय चिखलातून बाहेर पडणे श्रेयस्कर ठरेल. पंतप्रधान डॉ. मनमोहन सिंग यांच्यावर अलिकडे विदेशी प्रसारमाध्यमे फारच तोंडसुख घेत आहेत. भारतीय प्रसारमाध्यमे पंतप्रधानांना लक्ष्य करतात, ही बाब समजण्यासारखी आहे. मोठ्या प्रमाणात उघड होणारे घोटाळे, जनतेत सरकारबद्दल असलेला रोष आणि विरोधी पक्षांनी उघडलेली जोरदार मोहीम यामुळे पंतप्रधानांवर देशी प्रसारमाध्यमे टीका करतात, ही बाब समजण्यासारखी आहे. परंतु, पंतप्रधान निष्क्रीय आहेत, ते मौनी आहेत. कूचकामी आहेत, असा ठपका ठेवून भारतीय पंतप्रधानांची आंतरराष्ट्रीय पातळीवर प्रतिमा मलिन करण्याचे काम विदेशी प्रसारमाध्यमे करत असती...
राजधर्म ते फासी! .... गुजरातचे मुख्यमंत्री नरेंद्र मोदी यांनी आठवडाभरापूर्वी एक वक्तव्य केले होते. गुजरात दंगलीप्रकरणी मी दोषी असेल तर फाशी द्या. गुजरात दंगल ही देशाला लागलेला कलंक आहे. या दंगलीत १२०० निर्दोष नागरिकांची कत्तल केली गेली. या दंगलीत मोदींची भूमिका काय होती, हे अख्खा देश जाणून आहे. मोदींच्या तत्कालीन भूमिकेवर सडेतोड टीका करताना माजी पंतप्रधान अटलबिहारी वाजपेयी यांनी मोदींना राजधर्म निभावण्याचा सल्ला दिला होता. मोदींनी राजधर्म निभावला असता तर ते आज राजकीय जीवनात अस्पृश्य ठरले नसते. या दंगलीची निरपेक्ष चौकशी झालीच नाही. अन्यथा, मोदींना फाशी ठोठावण्याचे काम आजपर्यंत देशातील न्यायसंस्थेनेच केले असते. इतिहास दोन क्रूरकर्म्यांना कधीही क्षमा करु शकत नाही. एक म्हणजे फ्युरर हिटलर तर दुसरे आपले नरेंद्र मोदी! ...... भारताच्या फाळणीनंतर पाकिस्तान या मुस्लीम राष्ट्राची निर्मिती झाली. धर्माच्या नावावर जन्माला आलेल्या राष्ट्राचे काय हाल होतात याचे मूर्तिमंत उदाहरण म्हणून पाककडे पाहिले जाते. तथापि, या फाळणीच्यावेळी जो रक्तपात झाला, तो भारतीय माणूस विसरु शकत नाही. फाळणी ही या देशाची भळभ...
‘साहेबां’च्या नाराजीचा अन्वयार्थ! केंद्रीय कृषिमंत्री शरद पवार यांची नाराजी आता दूर झाली आहे. ते त्यांच्या मंत्रालयातदेखील जात असून, देशातील दुष्काळी परिस्थिती हाताळण्यासाठी त्यांनी कंबर कसली आहे. शिवाय, राज्यातील राजकीय घडामोडींवरदेखील त्यांचे बारकाईने लक्ष आहे. पवारांची नाराजी दूर झाली असली तरी ते का नाराज होते, याचे स्पष्ट कारण पुढे आलेले नाही. कॉंग्रेस तथा युपीए अध्यक्षा सोनिया गांधी व पंतप्रधान डॉ. मनमोहन सिंग यांच्याशी झालेल्या गुप्त बैठकीनंतर त्यांची नाराजी दूर झाली. त्यानंतर समन्वय समिती वैगरे बाबींवर त्यांचे व कॉंग्रेस नेतृत्वाचे एकमत झाल्याचे सांगितले गेले आहे. पवार हे अत्यंत धूर्त, चाणाक्ष, मातब्बर आणि दिग्गज राजकारणी आहेत. छत्रपती शिवाजी महाराज यांच्यात होते ते सर्व गुण या मराठा नेत्यात आहे. पवारांच्या ’नेमक्या‘ नाराजीचे कारण कधीही बाहेर येणार नाही. परंतु, कॉंग्रेसने त्यांची नाराजी दूर केली हे खरे आहे. १९७९ मध्ये दिवंगत कॉंग्रेस नेत्या इंदिरा गांधी यांनी चरणसिंह यांना पाठिंबा देऊन त्यांचे सरकार सत्तेवर आणले होते. नंतर अचानक पाठिंबा काढून ते सरकार पाडलेही होते. १९९१ मध...
पवारांची नाराजी : कॉंग्रेसला किंमत मोजावी लागेल! मराठ्यांचा अपमान करण्याची दिल्ली दरबाराला खोडच आहे. छत्रपती शिवाजी महाराजांच्या बाबतीतही औरंगजेबाने तसा प्रयत्न केला होता. परंतु, आमचा हा राजा केवळ भरदरबारात औरंगजेबाला लाथाडून थांबला नाही; तर कडेकोट नजरकैदेतून सुटून औरंगजेबाचे नाकही कापून टाकले होते. शरद पवारांच्या बाबतीतही कॉंग्रेस असेच काही करु पाहात आहे. परंतु, छत्रपतींचा वारसदार असलेला हा नेता कॉंग्रेसची जिरवण्यास समर्थ आहे. पक्ष लहान आहे म्हणून ज्येष्ठता आणि अनुभव यांचा विचार न करता, कॉंग्रेसमधील काही सडके आंबे पवारांचा ‘नंबर गेम’ करण्यास टपले आहेत. पवारांचे राजकारण आणि पवार नाराज झाले, की काय घडते हे लवकरच कॉंग्रेसवाल्यांना कळेल. पवारांच्या नाराजीची फार मोठी किंमत कॉंग्रेसला चुकवावीच लागेल! ..... केंद्रीय कृषिमंत्री शरद पवार यांची नाराजी काय असते हे दिल्लीश्‍वरांना चांगलेच माहित आहे. नाराजीनंतर पवार काय करतात, हे महाराष्ट्रातील राजकीय धुरीण जाणून आहेत. परंतु, दुर्देवाची बाब अशी, की दिल्लीश्‍वर नेहमीच महाराष्ट्राचा घोर अवमान करत आले आहेत. दिल्लीचे तख्त काबिज करणे हे छत्रपती...
बहुजनांच्या क्रयशक्तीवाढीतूनच अर्थव्यस्थेला गती! भारताची अर्थव्यवस्था डळमळीत झाली आहे. देशात महागाईचा आगडोंब उसळला असून, उद्योग-उदीमही नेस्तनाभूत होतात की काय, अशी भीती निर्माण झालेली आहे. चोहीकडे भ्रष्टाचाराची बजबजपुरी माजलेल्या परिस्थितीत ज्यांनी देश सावरायला हवा त्यांनी मूग गिळले आहेत. अर्थतज्ज्ञ असले तरी आपले पंतप्रधान प्रचंड नेभळट व्यक्ती आहेत. त्यांच्याकडून आता फारशा काही अपेक्षा ठेवता येणार नाहीत. हे सरकार उलथवून टाकणे, हाच एकमेव काय तो मार्ग दिसतो. अर्थव्यवस्था सदृढ करायची असेल तर देशातील बहुजन आर्थिक क्रयशक्तीशाली झाला पाहिजेत. त्याच्या हातात पैसा खुळखुळायला हवा. बहुजन समृद्ध झाला तर देशाची अर्थव्यवस्था गतिमान होईल. व्यापार, उद्योग उदीमही वाढेल. यापुढे अर्थव्यस्थेला ऊर्जितावस्था प्राप्त करुन देण्यासाठी विदेशी गुंतवणूक वाढविणे आणि बहुजनहिताचे आर्थिक निर्णय घेणे यातच शहाणपण आहे! ..... देशाची अर्थव्यवस्था डळमळीत असून, पैशाचे मूल्य घसरलेले आहे. उद्योग-उदीमही व्यवस्थित चालू नाहीत, संपूर्ण देशभर महागाईचा आगडोंब उसळला असून, चोहीकडे त्राहीमाम् माजले आहे. अशा परिस्थितीत देश ...
चंदा भुकनची नव्हे; ही राज्यघटनेची हत्या! .... नगरकरांना मोफत व दर्जेदार आरोग्य सेवा पुरविणे हे महानगरपालिकेचे काम आहे. त्यासाठीची आरोग्य यंत्रणा चांगले काम करते की नाही, नागरिकांना महापालिकेच्या वैद्यकीय सेवेचा लाभ होतो, की नाही हे पाहणे आयुक्तांचे काम आहे. प्रसासकीय यंत्रणा चांगले काम करत नसेल तर त्यांच्याकडून ते काम चांगल्या पद्धतीने करुन घेणे हे पदाधिकारी व महापौरांचे काम आहे. परंतु, नगर महापालिकेतील या दोन्ही यंत्रणा आपली जबाबदारी विसरल्या असून, महापालिकेच्या आरोग्य व्यवस्थेचा बट्‌ट्याबोळ झाला आहे. भारतीय राज्यघटनेच्या भाग ४, कलम ३६ ते ५१ मध्ये मार्गदर्शक तत्वांचे विवेंचन आहे. त्यातील कलम ४१ नुसार प्रत्येक नागरिकास आजारपण व वैद्यकीय सुविधा व सेवा पुरविण्याची जबाबदारी सरकार व त्यांच्या यंत्रणांवर सोपविण्यात आलेली आहे. नगर महापालिका आरोग्य सेवेबाबत नगरकरांची हेळसांड करत असेल तर राज्यघटनेच्या अवमानप्रकरणी ही महापालिका तातडीने बरखास्त झाली पाहिजेत. काल-परवा चंदा भुकन या विवाहितेच्या बळीप्रकरणाने महापालिका गोरगरीबांना व्यवस्थितरित्या आरोग्य सुविधा देत नाही हे सिद्धच झाले असून, त...
मुस्लिम आरक्षणाचा बागुलबुवा! राज्यघटनाकारांनी या देशातील मागासवर्गीयांना समाजाच्या मूळ प्रवाहात येण्याची संधी देण्याकरिता आरक्षणाची तरतूद केली होती. घटनाकारांचा हा उदात्त हेतू मागासवर्गीयांच्या उत्थानासाठी होता, त्यांच्या भल्यासाठी होता आणि हजारो वर्षापासून दारिद्य्र, अत्याचार आणि अन्यायात खितपत पडलेल्या या समाजाला माणूस म्हणून जगण्याची संधी देणारा होता. परंतु, या हेतूला हरताळ फासत आपले राजकीय ईप्सित साध्य करण्यासाठी सत्ताधारी संयुक्त पुरोगामी आघाडी (युपीए) सरकार आरक्षणाच्या तरतुदीचा गैरफायदा घेण्याचा प्रयत्न करत आहे. तसेच, समाजातील दोन गटांची मानसिकता एकमेकांप्रती कलूषित करण्याचा उपद्व्यापही करत आहे. इतर मागासवर्गीयांच्या (ओबीसी) २७ टक्के आरक्षणातून मुस्लिमांसाठी साडेचार टक्के आरक्षण देण्याचा घाट युपीए सरकारने घातला. अर्थात, सरकारचा हा कुहेतू सर्वोच्च न्यायालयात सफल झाला नाही. सरकारचे न्यायालयाने चांगलेच थोबाड फोडले असून, या प्रश्‍नी न्यायालयाने विचारलेल्या प्रश्‍नांनी सरकारची भंबेरी उडालेली दिसते. मुस्लिमच काय परंतु, कोणत्याही धर्मीयांना धर्माच्या नावावर आरक्षण देण्याची तरत...
पंतप्रधानांना काळा डाग! कोळसा लिलाव प्रक्रियेत देशाला तब्बल १०.७० लाख कोटींचा चुना लागल्याचा आरोप टीम अण्णाने केला आणि या गंभीर घोटाळ्याकडे आता संपूर्ण देशाचे लक्ष लागले आहे. धक्कादायक बाब अशी, की स्वच्छ प्रतिमेचे पंतप्रधान म्हणून ज्यांच्याकडे पाहिले जाते त्या पंतप्रधान डॉ. मनमोहन सिंग यांच्यावर या घोटाळ्याचे आरोप होत आहेत. स्वतः ज्येष्ठ समाजसेवक अण्णा हजारे यांनी घोटाळ्यातील सहभागाविषयी पंतप्रधानांवर संशय व्यक्त केला आहे. एखादा नेता स्वच्छ प्रतिमेचा असतो म्हणजे नेमके काय असते. माजी पंतप्रधान स्व. राजीव गांधी यांनादेखील स्वच्छ प्रतिमेचा नेता म्हणून ओळखले जात होते. परंतु, बोफोर्सकांडात काय घडले? डॉ. मनमोहन सिंग हे स्वतः जर स्वच्छ प्रतिमेचे असतील तर त्यांच्याच कार्यकाळात सर्वाधिक घोटाळे का घडावेत? हा मोठा सवाल आहे. पंतप्रधान भ्रष्टाचारी असतील किंवा नसतील परंतु ते एका सर्वाधिक भ्रष्ट सरकारचे नेते आहेत, हे मात्र सूर्यप्रकाशाइतके स्वच्छ आहे आणि कोळसा घोटाळ्याने त्यांच्या प्रतिमेला एक काळा डाग लागला आहे. ....... आता ज्या कोळसा घोटाळ्यावरुन राळ उडलेली दिसते तो घोटाळा सर्व घोटाळ...
राजकारण : पैसा वसुली धंदा !
.... राजकारण हे पैसा वसुली धंदा झाले आहे. राजकारणात उतरले की श्रीमंती येते कशी? याचे अप्रूप अनेकांना वाटत असते. परंतु, राजकीय नेत्यांकडे आलेली श्रीमंती म्हणजे आपल्याच खिशाची झालेली लूट असते, हे किती लोकांच्या लक्षात येते. राजकारणी मंडळी मोठ्या अभिमानाने त्यांची संपत्ती जाहीर करत असतात. परंतु, त्यांची ही संपत्ती म्हणजे जनतेचीच लूट आहे, हे जोपर्यंत लोकांच्या लक्षात येणार नाही, तोपर्यंत त्यांच्या संपत्तीचे आकडे दरपाच वर्षाला दुप्पटीने होण्याचे सत्र थांबणार नाही. ...... अलिकडे राजकारण हा झटपट श्रीमंत होण्याचा मार्ग ठरले आहे. ज्या लोकांकडे एकेकाळी फुटकी कवडी नव्हती अशी माणसे राजकारण कोट्यधीश झालेली दिसतात. हा चमत्कार होतो कसा? याचे उत्तर शोधता सापडत नाही. परंतु, राजकारण हे सभ्य लोकांचे क्षेत्र राहिले नाही, असे जे म्हटले जाते त्यातच या राजकारणातील गौडबंगालाचे उत्तर दडलेले असावे. दोन नावे प्रामुख्याने अशी समोर येतात, की कधीकाळी ही व्यक्तिमत्वे फार हलाखीचे, गरिबीचे जीवन जगत होती. परंतु, आता त्यांच्याकडे गडगंज संपत्ती आहे. ही नावे प्रातनिधीक स्वरुपाची असली तरी गल्लीबोळातील नेता झाला तरी या नेत...
पेट्रोलच्या आगडोंबावरील उतारा!
पेट्रोलच्या आगडोंबावरील उतारा! .... आंतरराष्ट्रीय बाजारात पैशाचे मूल्य घसरणे ही पेट्रोल दरवाढीस कारणीभूत ठरलेली प्रमुख बाब आहे. पेट्रोलचे दर वाढविल्याने पैसेवाल्यांचाच कंठशोष सुरु असून, वाहन चालविणे परवडत नसेल तर त्यांनी सार्वजनिक सेवांचा लाभ घ्यावा. आलिशान कारस्, आणि रस्त्यांवर बोकाळलेली दुचाक्यांची गर्दी तरी कमी होईल. पेट्रोल ही सर्वसामान्य व गोरगरीबांची कधीच गरज नव्हती. रॉकेल, डिझेल आणि घरगुती वापराचे गॅस सिलिंडर ही त्यांच्यासाठी अत्यावश्यक बाब आहे. त्यापोटी केंद्र सरकारला यावर्षी दोन लाख कोटी रुपये हिशोबाने मोजावे लागणार आहेत. हा पैसा सरकारने जरुर मोजावा. परंतु, जनकल्याणकारी योजनांचे कर कमी करुन पेट्रोल स्वस्तात विकण्याच्या भानगडीत पडू नये. पेट्रोल परवडत नाही, अशी ज्यांची ओरड आहे. त्यांनी आपल्या दुचाक्या आणि कार घरासमोर उभ्या कराव्यात, आणि सरळ सार्वजनिक सेवांचा लाभ घ्यावा, हेच शहाणपणाचे ठरेल! ...... सार्वजनिक क्षेत्रातील तेल कंपन्यांनी पेट्रोलचे दर साडेसात रुपयांनी वाढविल्यानंतर केंद्र सरकारने सर्वसामान्यांच्या पाठिमागे दुष्काळात साडेसाती लावली, अशी टीका सर्वदूर होत आहे. एकीकड...
पुन्हा महापुरुषांवर वैचारिक हल्ला!
पुन्हा महापुरुषांवर वैचारिक हल्ला! ..... महामानवांच्या कार्याची खिल्ली उडविणे, त्यांच्या सामाजिक कार्याबद्दल संदेह निर्माण होईल, असे विचार मांडणे आणि या महामानवांना बदनाम करणे हा काही लोकांचा धंदाच होऊन बसला आहे. खरे तर ही सामाजिक विकृती असून, असली विकृती ठेचून काढणे ही काळाची गरज आहे. एनसीईआरटीच्या पाठ्यपुस्तकात डॉ. बाबासाहेब आंबेडकर यांचे घोर अपमान करणारे व्यंगचित्र प्रकाशित झाले. हे चित्र पाठ्यपुस्तकात घुसडविण्याचे काम ज्या यादव व पळशीकर याने केले, तो पळशीकर हा पुण्याचा आहे. वेळोवेळी असे लक्षात आले, की बहुजनांच्या मानबिंदूंविरुद्ध षडयंत्र रचण्याचे काम पुण्यातूनच झाले. आतादेखील राष्ट्रीय पातळीवर बाबासाहेबांचा अपमान घडवून आणणारा सडका मेंदू हा पुण्यातीलच होता. महापुरुषांवर वैचारिक हल्ला चढविणार्‍यांना आता धडा शिकविला गेला पाहिजेत. जेणेकरुन भविष्यात असला उपद्व्याप कुणी करणार नाही! .... बहुजन समाजातील महापुरुषांवर वैचारिक हल्ले करण्याचे प्रयत्न यापूर्वी झाले नाहीत, असे नाही. असे हल्ले वेळोवेळी होत गेले आणि समाजाने असे हल्ले यशस्वीरित्या परतवून लावले आहेत. केंद्रीय मनुष्यबळ विकास म...