I:Purushottam Sangle

पुरोगामी महाराष्ट्र ही या राज्याची खरी ओळख. शेतकर्‍यांच्या, कष्टकर्‍यांच्या घामाने समृद्ध झालेल्या या राज्याला विचाराचा दीर्घ वारसा आहे. यशवंतराव चव्हाण आणि शरद पवार यांनी या राज्याला विकासाच्या शिखरावर नेऊन पोहोचविले. त्यांच्या काळात पोलिस कधीही कानाच्या वर गेले नाहीत. या नेत्यांचा धाक पोलिसांवर होता. आताचे राज्यकर्ते चव्हाण, पवारांचा वारसा चालविणारे आहेत. परंतु, या राज्यकर्त्यांचा पोलिसांवर कोणताही वचक नसून, काही रक्ताचा वारसा चालविणारे दादा नेते तर पोलिसांना शेतकर्‍यांवरच गोळीबार करण्याचे आदेश देतात, याला काय म्हणावे. या राज्यात कायदा व सुव्यवस्था नावाचा काहीही प्रकार शिल्लक उरला नाही. दरोडेखोर महिलांच्या इज्जतीचे सामूहिक लचके तोडत आहेत, राज्य बॉम्बस्फोटांनी हादरून गेले आहे. गुंडपुंडांनी डोके वर काढले आहे. त्यांना वठणीवर आणण्यासाठी पोलिसांच्या बंदुकाच काय पण दांड़ुकेदेखील चालत नाही. शेतकर्‍यांवर अन्याय करणार्‍या या सरकारचा माज आता उतरवावाच लागणार आहे. आता हा माज मतदान यंत्राव्दारेच उतरावा लागेल. .. वारंवार सत्तेत राहिल्याने राज्यकर्त्यांना मुजोरी चढते. सत्तेची गुर्मी डोक्यात शिर...

हा देश सध्या स्फोटांच्या उबरठ्यावर उभा आहे। देशासाठी हिरवा दहशतवाद जसा धोकादायक आहे, तसाच भगवा आणि लाल दहशतवाददेखील धोकादायक आहे. खरे तर दहशतवादाल रंग नसतो. निरपराधांचे बळी घेणार्‍या कोणत्याही कृतीचे समर्थन करता येणार नाहीच. जोपर्यंत राजकारणी धार्मिक मुद्द्यांवर मते मागतील; तोपर्यंत विविध रंगाचे दहशतवाद देशात फोफावत राहतील. माथेफिरु मानसिकता निर्माण करणार्‍या धार्मिक संघटना याच खर्‍याअर्थाने देशाच्या शत्रू आहेत. देशाच्या शेजारील पाकिस्तान, अफगाणिस्तान, नेपाळ या देशांत दहशतवादाची मूळे असली तरी भारतात कार्यरत असलेल्या दहशतवाद्यांच्या स्लीपर सेलला धार्मिक संघटनांनीच हातभार लावला. दहशतवाद उखडून फेकायचा असेल तर धार्मिक द्वेष पसरविणार्‍या संघटनांची तोंडे ठेचावी लागतील, तद्वतच सर्वसामान्य नागरिकांनीदेखील दहशतवाद रोखण्यासाठी अधिक जागृत राहण्याची गरज आहे. शेवटी हा देश आपला आहे. आपण कोणत्याही धर्माचे असलो तरी आपल्या सर्वांची सारखीच मालकी या देशावर आहे. सर्वांनी गुण्यागोविंदाने नांदण्यासाठी दहशतवादाचा बिमोड करावाच लागेल. रंग कोणताही असो, सर्व मिळून हा दहशतवाद सक्तीने निपटून काढू या!! राज्यसभेत ...