आजची सामाजिक अस्वस्थता हाच पुरोगामित्वाचा खरा पराभव!
आजची सामाजिक अस्वस्थता हाच पुरोगामित्वाचा खरा पराभव! फोकस/ पुरुषोत्तम सांगळे, निवासी संपादक, जनशक्ति, पुणे भारतात सद्या मुस्लीम समाज अत्यवस्थ आहे, तद्वतच दलित आणि ओबीसीवर्गही अत्यवस्थ आहे. पुरोगामी विचारांचा पराभव म्हणजे सद्या सुरु असलेले मोदीयुग म्हणावे लागेल. गांधींच्या विचारांची दररोज होणारी हत्या या देशाला कलंकित करते. संविधानाचे संरक्षण करायचे असेल तर स्वातंत्र्य, समता, बंधुता या विचारांना मानणारा देशातील प्रत्येक व्यक्ती आता एकत्र यायला हवा. मोदीयुग या देशाला अशा दिशेला घेऊन जात आहे, ज्या दिशेला एकेकाळी फ्युरर हिटलर गेला होता. देशाचा अंधकाराकडे जाणारा हा प्रवास आता प्रत्येकाला विवेकबुद्धीने थांबवावाच लागणार आहे! -- भारतातील एक मोठा वर्ग सद्या अत्यवस्थ आहे. त्यांची अत्यवस्थता समजून घेण्यासारखी आहे. गोरक्षणाच्या नावाखाली होत असलेल्या हत्या हा तो चिंतेचा विषय असून, या हत्या रोखण्यात यश आले नाही तर या देशाची वाटचाल अराजकतेकडे जाणारी ठरेल. संविधान आणि त्यातून प्रदान करण्यात आलेले स्वातंत्र्य, समता व बंधुता तसेच समान नागरी अधिकाराचा धर्माच्या नावाखाली संकोच करण्याच्या घटना अलिकडे मोठ्य...
