I:Purushottam Sangle

रतन टाटा हे केवळ उद्योगपती नाहीत. तर भारताचे द्रष्टे शिल्पकार आहेत. मुकेश अंबानींच्या आलिशान राहणीमानावर त्यांनी नुकतेच प्रखड भाष्य केले होते. अब्जावधी रुपये खर्च करून अंबानी यांनी बांधलेल्या ऍण्टिलिया या महालात वीज, पाणी यांची उधळपट्टीतर होतेच. शिवाय, २७ मजली या आलिशान महालात अंबानी कुटुंब एकटे राहते. अंबानी यांनी असे आलिशान जीवन जगताना आजुबाजूचे दारिद्रयही पाहावे, अशी सूचना टाटा यांनी केली होती. टाटा हे स्वतः अब्जाधीश आहेत. परंतु, एका छोट्या घरात राहतात, तसेच साधे जीवन जगतात. मात्र, त्यांनी उद्योगातून कमाविलेला कोट्यवधींचा पैसा देशातील गोरगरीब जनतेच्या कल्याणासाठी खर्च केला आहे. अंबानी आणि टाटा ही या देशाची दोन टोके मानली तर टाटा यांच्याबद्दल देशवासीयांना जेवढा आदर आहे, तेवढाच तिरस्कार आता अंबानींबद्दल निर्माण झाला आहे. अंबानींच्या आलिशान राहणीमानातून विषमतेचा रोग पसरत चालला असून, या रोगातूनच उद्या क्रांतीच्या ज्वाला पेटतील, या ज्वालांत अंबानींचा आलिशान ऍण्टिलिया जळून खाक होण्यास फार वेळ लागणार नाही. अशी क्रांती यापूर्वी रशिया, चीनने अनुभवली आहे, भारतातदेखील या क्रांतीची वाट मुकेश अं...

पाकिस्तान पोशित दहशतवाद ही भारतासमोरची सर्वात मोठी समस्या आहे. भारतात देशद्रोही कृत्येकरून दाऊद इब्राहिम आणि त्याची पिलावळ पाकिस्तानात सुखनैव जगते. भारतीय राज्यकर्ते मात्र त्यांना पकडून आणण्याची घोषणा करत, मते लाटण्याचे काम करत आले आहेत. अमेरिकेने पाकिस्तानात घुसून, त्यांच्या सार्वभौमत्त्वाची ऐशीतैशी करत ओसामा बिन लादेनचा खातमा केला. अशी हिंमत भारत हा दाऊद किंवा हाफिज सईदच्या बाबतीत दाखवेल काय? या प्रश्‍नाचे उत्तर नकरार्थी येत असतानाच, मोठा गाजावाजा करत ५० मोस्ट वॉण्टेड गुन्हेगारांची यादी भारताने पाकिस्तानला सोपावली होती. या यादीतील तिघे भारतातच निघाले असून, आंतरराष्ट्रीय पातळीवर भारताचे नाक कापल्या गेले आहे. या देशातील सुरक्षा यंत्रणा, गुप्तचर आणि पोलिस दल यांच्यातील असमन्वयामुळे भारत दहशतवाद रोखण्यासाठी किती तत्पर आहे, याचा जगाला प्रत्यय आला. या यंत्रणांच्या देशद्रोहामुळे भारताच्या प्रतिमेला बट्टा लागला असल्याने त्याची नैतिक जबाबदारी स्वीकारून देशाचे गृहमंत्री पी. चिदंबरम् आणि राज्याचे गृहमंत्री आर.आर.पाटील हे राजीनामा देतील का?.. ओसामा बिन लादेन याच्या खातम्यानंतर पाकिस्तानवर आंतरर...

.... भारतीय लोकशाही आता अधिक परिपक्व तर मतदार सुज्ञ झाले आहेत. भावनिक मुद्दे किंवा व्यक्तीपुजा यांना बळी न पडता मतदान होत असल्याने राजकीय स्थित्यांतरे अधिक पाहावयास मिळणार असल्याचे संकेत मिळत आहेत. किमानपक्षी आता हाती आलेल्या पाच राज्यांतील निवडणूक निकालांतून तरी हाच अन्वयार्थ निघतो. गेली साडेतीन दशके एकछत्री अमल असलेल्या डाव्यांच्या गडाला ममता बॅनर्जी यांनी सुरुंग लावत सत्ता हस्तगत केली तर दुसरीकडे एम.करुणानिधीसारख्या अत्याधिक लोकप्रिय आणि कसलेल्या राजकारण्याला जे.जयललितासारख्या नायिकेकडून दारुण पराभव पत्कारावा लागला. या पराभवात टूजी स्पेक्ट्रम वाटप घोटाळ्याचा जसा वाटा होता, तसा त्यांच्या घरातील कौटुंबीक वादाचीही किनार होती. आपल्याकडचे बाळासाहेब ठाकरे असोत, किंवा दक्षिणेतले करुणानिधी असोत, दोघेही महाभारतातील पितामह भिष्मांसारखे कौटुंबीक वादाने शरपंजर झालेले आहेत. चार विधानसभा निवडणुकींचा निकाल कॉंग्रेसला अनुकूल लागलेला असला तरी कॉंग्रेसला आणखी जनाधार वाढविण्यासाठी पाऊले उचलणे गरजेचे आहे. तर दुसरीकडे, भारतीय जनता पक्षासारख्या राष्ट्रीय पक्षाला आलेल्या अपयशावर त्यांनीच आता अंतर्मुख होऊ...

जगातील बहुतांश देशांनी एण्डोसल्फानला त्यांच्या देशाची दारे बंद केली आहेत. पर्यावरण, जैवविविधता आणि मानवी आरोग्य यांना अत्यंत घातक साबीत झालेले हे कीटकनाशक शेजारच्या पाकिस्तान व श्रीलंकेतही फवारले जात नाही. परंतु, भारतीय शेतीला दूषित करणारे हे कीटकनाशक येथील राज्यकर्त्यांच्या देशद्रोही भूमिकेमुळे देशात विकले जात आहे. शेतकर्‍यांना या औषधाच्या दुष्परिणामाची माहिती दिली जात नाही, परंतु वापराचे प्रोत्साहन दिले जाते. बहुराष्ट्रीय कंपन्यांचे खिशे भरताना भारतीय शेती उद्ध्वस्त होत असून, शेतकरी शारीरिक, आर्थिकदृष्ट्या कंगाल केल्या जात आहे, हे येथील राज्यकर्ते व एण्डोसल्फानच्या जाहिरातींवर पोसले जाणारे प्रसारमाध्यमे विसरले आहेत. भारतीय शेतीची एण्डोसल्फान ही कधीच गरज नव्हती. येथील पिढीजात सेंद्रीय व नैसर्गिक शेतीच्या प्रयोगांनी चांगली शेती करता येते, त्याचे ज्ञानही शेतकर्‍यांना वडिलोपार्जित आहे. म्हणूनच, केंद्र सरकारने या घातक कीटकनाशकावर तातडीने बंदी आणावी, व ते या देशातून हद्दपार करावे. मानवी शरीर व पर्यावरणासाठी अत्यंत घातक असलेल्या एण्डोसल्फान या कीटकनाशकावर केंद्राने देशपातळीवर तातडीने बंदी घ...