कांदा, महागाई, भ्रष्टाचार....! सरकारचे पतन अटळ? मरता येत नाही म्हणून जगण्याची वेळ या देशातील गोरगरिबांवर या सरकारने आणली आहे. फुकट धान्य वाटण्याची घोषणा करणारे हे सरकार ते शिजवायचे कसे? की नुसतेच भिजवून खायाचे? या प्रश्‍नाचे उत्तर देणार आहे का? चोहीकडे महागाईचा आगडोंब उसळलेला आहे. देशात भ्रष्टाचाराने थैमान घातले असून, नुसती लूट सुरु आहे. ही लूट कमी की काय म्हणून आता कांद्याने सर्वसामान्यांच्या डोळ्यातून पाणीच आणले नाही तर बुब्बळे बाहेर पडतात की काय, अशी स्थिती निर्माण केली. कांदा भडकला, महागाई भडकली, इंधनही भडकले सगळीकडे नुसती बोंबाबोंब सुरु असताना, या सरकारचेही दिवस भरले असावेत, असे वाटायला लागले आहे. १९९८ मध्ये कांद्याने भाजपचे सरकार कोसळवले होते. त्याच इतिहासाची आता पुनर्रावृत्ती होऊ पाहाते आहे. केंद्रातील भ्रष्टाचाराने बरबटलेले हे सरकारही कांदाच कोसळविल, हे सांगण्यासाठी कुण्या कुडमुड्या ज्योतिष्याची गरज नसावी! ........... जगभरात आर्थिक मंदीची लाट पसरलेली आहे. या लाटेत भारतातील दारिद्रय हेलकावे खात असून, देशातील ९० टक्के जनतेवर केवळ जीव जात नाही म्हणून जगण्याची वेळ आली आ...
